ელექტრონული ბიბლიოთეკა საქართველოს გარემოს დაცვისა და სოფლის მეურნეობის სამინისტრო

საინფორმაციო პუბლიკაცია მომზადებულია საქართველოს მთავრობის, კლიმატის მწვანე ფონდის (GCF), შვედეთის და შვეიცარიის მთავრობების თანადაფინანსებით და გაეროს განვითარების პროგრამის (UNDP) მხარდაჭერით მიმდინარე პროექტის - ,,კლიმატის ცვლილებით გამოწვეული კატასტროფების რისკების შემცირება საქართველოში“ ფარგლებში. პროექტის მიზანია უზრუნველყოს კლიმატთან დაკავშირებული რისკების შემცირება, პრევენცია და მზადყოფნა.
მნიშვნელოვანია გვახსოვდეს, რომ კატასტროფის რისკის შემცირება შესაძლებელია საზოგადოების ცნობიერების ამაღლებით, საზოგადოებისა და ადგილობრივი ინსტიტუციების მედეგობის გაძლიერებით და მოწყვლადობის შემცირებით ბავშვების, ქალებისა და ახალგაზრდების მიმართ განსაკუთრებული აქცენტით.
ამ მიზნით, გარემოსდაცვითი ინფორმაციისა და განათლების ცენტრის მიერ მომზადდა გზამკვლევი სკოლის დირექტორებისათვის, რომლის მიზანია კატასტროფების რისკის შემცირებისა და საგანგებო სიტუაციების მართვის გეგმის მნიშვნელობის შესახებ ცნობიერების ამაღლება. გზამკვლევში წარმოდგენილია საგანგებო მართვის გეგმის მომზადების ძირითადი მოთხოვნები და გეგმის ნიმუში, რაც დაწესებულების ხელმძღვანელს დაეხმარება შეიმუშაოს სკოლაზე მორგებული გეგმა სასკოლო საზოგადოების მონაწილეობით.