ელექტრონული ბიბლიოთეკა საქართველოს გარემოს დაცვისა და სოფლის მეურნეობის სამინისტრო

დარგი/დარგები: ბიომრავალფეროვნება;

აღწერა: აგროეკოსისტემა წარმოადგენს ადამიანის მიერ ხელოვნურად შექმნილ ეკოლოგიურ სისტემას. მის სახეობრივ მრავალფეროვნებასა და შედგენილობას, საკუთარი საჭიროებებიდან გამომდინარე, ადამიანი წყვეტს. აგროეკოსისტემაზე ზემოქმედებისას მისი საქმიანობა ძირითადად მიმართულია სასოფლო-სამეურნეო კულტურების მოსავლიანობის ზრდისაკენ. ამ მიზნით, იგი ახორციელებს სასუქებისა და მცენარეთა დაცვის საშუალებების შეტანას, შედეგად კი ადგილი აქვს მთელი რიგი ბუნებრივი მცენარეულობის, ასევე, ცალკეული ცხოველური ორგანიზმებისა და მიკროორგანიზმების მოსპობას და მათი, როგორც სახეობრივი მრავალფეროვნების, ისე ინდივიდთა რიცხოვნობის შემცირებას. რაც უფრო მეტად ერევა ადამიანი აგროეკოსისტემის ფუნქციონირებაში, მით უფრო იზრდება სხვაობა ბუნებრივ და ხელოვნურ ეკოსისტემებს შორის. აგროეკოსისტემის გამართული ფუნქციონირება დამოკიდებულია ადამიანის მუდმივ ჩარევასა და ზრუნვაზე, ხოლო ბუნებრივ ეკოსისტემას გააჩნია თვითრეგულირების უნარი, რომელიც მის წონასწორობის შენარჩუნებასა და, შესაბამისად, მდგრადობას უზრუნველყოფს.